Jas ormanshy jándikterge tózimdi aǵash túrlerin ósirgisi keledi
«Jastardyń qolynda bizdiń Qazaqstandy turaqty damýǵa jeteleıtin resýrstar shoǵyrlanǵan. Meniń ómir jolym – oqyǵan jáne jumys istegen adamnyń joly. Negizgi kásibı qyzmetim Álıhan Bókeıhan atyndaǵy Qazaq orman sharýashylyǵy jáne agroormanmelıoratsııa ınstıtýtymen baılanysty. Ǵalymnyń eńbegi mańyzdy jáne óte qyzyqty. Orman qorǵaý salasyn tańdaǵanyma da esh ókinbeımin. Biz ár túrli jobalardy júzege asyramyz. Solardyń biri – jándikter men qurttarǵa tózimdi bolatyn sekseýildiń jańa túrlerin shyǵarý. Joba endi bastaldy, munda orman qorǵaý, selektsııa, genetıka, bıohımııa jáne fızıologııa boıynsha zertteýler júredi», - dedi Ekaterına Vıbe Halyqaralyq jasyl tehnologııalar jáne ınvestıtsııalyq jobalar ortalyǵynda ótken Ekologııa mınıstrimen kezdesýde.
Sonymen birge jas ǵalym zaqymdalǵan ósimdikterdiń erekshelikterin, olardyń genetıkalyq qurylymyn salystyryp, osy jándikter tobyna eń tózimdi ósimdik tuqymyn alýdy josparlap otyr.
«Jas ǵalymdarǵa aýqymdy jumys jasap jatqandaryn aıtqym keledi. Qazir bizde álemniń jetekshi ǵylymı-zertteý ınstıtýttarynda taǵylymdamadan ótý, halyqaralyq jobalarǵa qatysý, qoldanbaly jáne irgeli zertteýler boıynsha granttyq qarjylandyrý múmkindigi bar», - dedi Ekaterına Vıbe jas ekobelsendiler men ǵalymdarǵa.
Aıta keteıik, QR Ekologııa, geologııa jáne tabıǵı resýrstar mınıstri Maǵzum Myrzaǵalıev Dúnıejúzilik qorshaǵan ortany qorǵaý kúni qarsańynda ekovolonterlermen, ekologııalyq fakýltetterdiń stýdentterimen kezdesti jáne Qazaqstandaǵy basty ekologııalyq problemalar týraly aıtyp berdi.
Ekologııa mınıstri ótken jyly 2050 jylǵa deıingi tómen kómirtekti ekonomıka tujyrymdamasyn daıyndaý boıynsha belsendi jumys bastalyp ketkenin eske saldy.
