Jas ónertapqyshtar qoqys jınaıtyn robot oılap tapty
ASTANA. QazAqparat - Qazaqstandyq jas ónertapqyshtar jańa qultemirdi lego qurastyrǵyshtarynyń tetikterinen jasaǵan. Nazarbaev zııatkerlik mektebi oqýshylarynyń eńbegi halyqaralyq báıgede úzdik dep tanyldy, dep habarlady 24.kz.
Robot qurastyrýda fızıka, matematıka, hımııa, bıologııa pánderiniń bereri mol. Tyńnan túren salǵan talanttar úshin tózimdilik qajet. Óıtkeni, bir robotty qurastyrý barysynda mıllıondaǵan maıda lego qurastyrǵyshtarmen jumys isteý qajet. Bolashaqta bar qyzmetti qultemirler atqarady. Jas ónertapqysh Sanjar Asyqbaev buǵan senimdi. Sondyqtan, robot tehnıkasyn damytýdy osy bastan qolǵa alý kerek dep sanaıdy. Ózi dostarymen birigip, qala kóshelerinde qoqys jınaıtyn mashınany oılap tapty. Janarmaıdy qajet etpeıtin ekologııalyq taza qurylǵy bir aıdyń ishinde qurastyrylǵan.
- Bul Trevısh» dep atalady. Onyń basty maqsaty - qaladaǵy qoqys mólsherin azaıtý. Kún batareıasyn qoldaný arqyly óziniń energııa qorlaryn qaıtadan jańarta alady, - deıdi Nazarbaev zııatkerlik mektebiniń 10-synyp oqýshysy Sanjar Asyqbaev.
Demek, jaqyn jyldary elordada qoqys jınap júrgen robot kórseńiz, tań qalmańyz. Bul - jas ónertapqyshtarymyzdyń jetistigi. Robot qurastyrýda álem boıynsha Japonııaǵa teń keletin el joq. Degenmen, otandyq ónertapqyshtar da eshkimge ese jibermek emes. Balalar salany damytýǵa múmkindik bar dep otyr. Ol úshin qajyrly eńbek etý kerek. Sanjar bastaǵan komanda óziniń alǵashqy jeńisine qol jetkizdi. Olardyń jumysy jaqynda ǵana halyqaralyq baıqaýda úzdik tanyldy. Sharada Reseı men Serbııanyń jas ónertapqyshtary da baq synaǵan bolatyn.
