Jas ólketanýshylar Saryarqanyń tanymal tulǵalaryn zerttep júr

QARAǴANDY. QazAqparat – Qaraǵandy oblystyq tarıhı-ólketaný murajaıynda «Jádiger» kitaphanalyq ólketaný klýbynyń otyrysy ótti. Jas zertteýshiler «Saryarqanyń uly tulǵalary. Znamenıtye lıýdı Saryarkı» atty jumysty talqyǵa saldy, dep habarlaıdy QazAqparat tilshisi.

Klýb otyrysynda ólketanýshylar óz jumysyn bólisti. Osylaısha, Alla Shalımova Qaraǵandynyń tuńǵysh dárigeri German Alalykın týraly, al ıAsmın Baıserik qurmetti shahter Túsip Kúzembaevtyń taǵdyry týraly aıtyp berdi.

Klýb músheleriniń zertteýleri jalǵasyp jatyr.

Nátıjeler Qaraǵandy oblysynyń tarıhı-ólketaný murajaıy jáne E.A. Bóketov atyndaǵy QarÝ arheologııa jáne etnografııa murajaıy ókilderiniń qatysýymen ótetin kelesi otyrysta «Saryarqa dalalyq órkenıettiń altyn besigi» dóńgelek ústelinde jarııalanady.

Qaraǵandy oblystyq balalar kitaphanasynda «Jádiger» ólketaný-zertteý klýby 2018 jyldan bastap jumys isteıdi.

Onyń músheleri – óz ólkesiniń tarıhy men mádenıetine qyzyǵýshylyq tanytatyn kishi, orta jáne joǵary mektep jasyndaǵy balalar.