Jas mamandarǵa da jataqhana salynýy tıis - Darıǵa Nazarbaeva
ASTANA. QazAqparat - QR Parlamentiniń senatory Darıǵa Nazarbaeva stýdentterge ǵana emes, mamandarǵa da jataqhanalar salýdy usyndy, dep habarlaıdy QazAqparat tilshisi.
«Jyldar boıy jataqhana kóptegen jas otbasylardy, jas mamandardy muqtajdyqtan qutqaryp keldi. Búginde stýdentter jataqhanasy týraly ǵana sóz qozǵalady. Qyzmetkerlerge arnalǵan jataqhana she? «Serpin» baǵdarlamasy arqyly eńbek resýrstaryn óńirlerge jiberýdi usynyp otyrmyz, al olardy baspanamen qamtı almaımyz. Bul oraıda jataqhanalar tıimdi sheshim bolar edi», - dedi Darıǵa Nazarbaeva Senatta ótken «Nurly jer» turǵyn úı qurylysy baǵdarlamasy týraly dóńgelek ústelde.
Senator suraǵyna «Turǵyn úı qurylys jınaq banki» AQ basqarma tóraıymy Lázzat Ibragımova jaýap berdi. Onyń aıtýynsha, muǵalimder arasynda turaqty salym jasaýǵa shaqyratyn úgitteý jumystary júrýde.
«Qazir oblys ákimdikterimen tyǵyz jumys isteýdemiz jáne mektepterde esepshotqa úzbeı aqsha salyp otyrýdy nasıhattap kelemiz. Aqsha jınaýdyń ózi qatań tártipti talap etedi. Esepshotty ashyp alyp, aqsha salmaı, uzaqqa sozyp alǵandar bar. Jaqynda bizge medıtsınalyq uıym kelip, qyzmetkerleri úshin avtomatty túrde salym jınap otyratyn mehanızm jasaýymyzdy surady. ıAǵnı, esepshot ashyp, qarajat jınaqtaýǵa kelisim bergen qyzmetkerlerdiń eńbekaqysynan qarajat ustalady. Osylaısha, úsh jylda alǵashqy jarnany salyp, baspana alýǵa bolady. Dál osyndaı tásildi mektepter men aýrýhanalarǵa usynyp jatyrmyz», - dedi Lázzat Ibragımova.
Eske sala keteıik, «7-20-25» turǵyn úı qurylysy baǵdarlamasy óz jumysyn 2018 jyldyń shilde aıynda bastaıdy. Bul baǵdarlama memlekettik qyzmetkerlerge de, kásipkerlerge de arnalǵan.
