Jas mamandardy jumysqa ornalastyrýǵa erekshe nazar aýdarý kerek – Premer-Mınıstr
ASTANA. KAZINFORM – Tehnıkalyq jáne kásiptik oqý oryndaryn bitirgen túlekteriniń 25 paıyzy óz mamandyǵy boıynsha jumys istemeıdi. Bul týraly Úkimet otyrysynda Premer-Mınıstr Oljas Bektenov aıtty.
«Jas mamandardy jumysqa ornalastyrýǵa erekshe nazar aýdarý kerek. Taldaý kórsetkendeı, tehnıkalyq jáne kásiptik oqý oryndaryn bitirgen túlekteriniń 25 paıyzy óz mamandyǵy boıynsha jumys istemeıdi. Sondyqtan olardy eńbekpen qamtý úshin jumys berýshilermen, ásirese iri kásiporyndarmen tyǵyz ózara is-qımyl ornatý qajet», - dedi Oljas Bektenov.
Premer-Mınıstrdiń aıtýynsha, jańa jumys kúshin qajet etetin barlyq jobany qadaǵalaý úshin Eńbek mınıstrligi tarapynan jumyspen qamtýdy monıtorıngteýdiń naqty júıesi kerek.
«Osyǵan baılanysty Tsıfrlyq damý mınıstrligi jyl sońyna deıin Eńbek, Qarjy, Ekonomıka, Ónerkásip mınıstrlikteriniń jáne basqa da múddeli memlekettik organdardyń aqparattyq júıelerin ıntegratsııalaýǵa tıis. Sondaı-aq barlyq múddeli memlekettik organdar men ákimdikterge jobalardy iske asyryp jatqan merdiger uıymdardyń jumys oryndaryn qurý jónindegi mindettemelerin baqylaýdy tapsyramyn», - dedi Úkimet basshysy.
