«Jas maman» jobasy: Temirtaýda qurylysshylar daıyndaıtyn ortalyq ashyldy

TEMІRTAÝ. QazAqparat – Temirtaý kásiptik-tehnıkalyq kolledjinde Jas tehnik jáne Young chef quzyrettilik ortalyqtary ashyldy. Zamanaýı alańdar «Jas maman» jobasy aıasynda qurylǵan, dep habarlaıdy QazAqparat tilshisi.

Quzyrettilik ortalyqtarynyń jumysy álemdik standarttarǵa sáıkes kásiptik oqytýdyń tıimdi júıesin qurýǵa baǵyttalǵan, bul kolledj túlekteriniń básekege qabilettiligin arttyrýy tıis.

«Jas maman» jobasy aıasynda kolledj «Tamaqtandyrýdy uıymdastyrý», «Avtomobıl joldary men aerodromdardy salý jáne paıdalaný» mamandyqtary boıynsha álemdik standarttarǵa sáıkes keletin zamanaýı jabdyqtardy satyp alýǵa jáne oqý protsesinde paıdalanýǵa múmkindik aldy. Osy alańdar bazasynda «Kásiptik baǵdar jáne mansap», «Mansap jáne jumysqa ornalastyrý» ortalyqtaryn qurý, sondaı-aq jastardy ınnovatsııalyq startap jobalarǵa tartý josparlanýda», – dep atap ótti kolledjde.

Ortalyqtardyń resýrstary óndiristik oqytý jáne kásiptik tájirıbe kezinde, zerthanalyq-praktıkalyq jumystardy, kórsetý emtıhandaryn ótkizý, qatysýshylardy WorldSkills chempıonattaryna daıyndaý kezinde, tehnıkalyq shyǵarmashylyq úıirmeleriniń jumysy úshin paıdalanylady.