«Jas Qyran» stýdenttik uıymy Qytaıda óziniń jetijyldyq mereıtoıyn atap ótti
BEIJІŃ. 18 qarasha. QazAqparat - Senbi kúni Beıjińde «Jas Qyran» qazaqstandyq stýdentter qoǵamynyń mereıtoılyq datasyna oraı boýlıngten jarystar ótti.
Jarystarǵa Beıjińniń joǵary oqý oryndarynan 20 komanda qatysty. Sporttyq saıysqa sondaı-aq qazaqstandyq dıplomattar da qatysty.
QR Bilim jáne ǵylym mınıstrliginiń QHR-daǵy resmı ókili Murat Ismaǵambetov óziniń alǵy sózinde «Jas Qyrandy» jetijyldyq mereıtolarymen quttyqtady.
Tartysty ótken dodanyń nátıjesinde birinshiliktiń jeńimpazdary TMD quramasy boldy. Ekinshi oryndy Beıjińniń halyqaralyq ekonomıka jáne bıznes ýnıversıtetiniń komandasy aldy. Al úshinshi orynǵa QR-dyń QHR-daǵy Elshiliginiń quramasy jaıǵasty.
«Jas Qyran» qazaqstandyq stýdentter qoǵamynyń quramyna Beıjiń joǵary oqý oryndarynyń stýdentteri kiredi. Osyndaı stýdenttik uıymdar Qytaıdyń ózge de qalalarynda bar. Atap aıtqanda, «Altyn Orda» (Sıan qalasy), «KAZ UNION» (Úrimshi), «Ýhandaǵy qazaqstandyq stýdentterdiń alıansy», «Kazakh Connection» (Shanhaı qalasy).
