Jas qazaqstandyqtar Otanyn shetelge aıyrbastaýǵa qushtar emes - zertteý nátıjesi
ASTANA. QazAqparat - Jas qazaqstandyqtardyń kóbi el ishinde ary-beri kóshýdi qolaı kórgenimen, shetelge qonys aýdarýǵa asa qushtar emes, dep habarlaıdy QazAqparat tilshisi «Jastar» ǵylymı-zertteý ortalyǵynyń zertteý nátıjesine silteme jasap.
Ǵylymı-zertteý ortalyǵynyń qorytyndysyna súıensek, Qazaqstanda saýalnamaǵa qatysqan jastardyń 63,7 paıyzy jaıly ómir úshin shetelge kóship ketýge daıyn emes. Tek suralǵandardyń 8,7 paıyzy ǵana turaqty mekenin aýystyryp, elden ketýge nıet bildirgen.
«Jastardyń kóshýge qushtarlyǵynyń negizgi sebebi - áleýmettik mártebesin kóterýge degen qulshynys. Jastardyń 15,2 paıyzy turaqty mekenin aýystyrǵysy kelgenimen, el ishinde qalýdy kózdeıdi. Osy 15,2 paıyzdyń ishindegi jastardyń 6,2 paıyzy ózi ómir súrip jatqan oblysta qalýǵa nıetti. Al 9 paıyzy Qazaqstannyń basqa aımaqtarynda ómir súrgisi keledi», - degen sheshimge kelgen zertteýshiler.
Kóp jaǵdaıda qazaqstandyq jastar TMD elderine kóshýge nıet bildiredi.
foto:instagram.com/jambaykz/
