Jas qazaqstandyqtar turǵyn úı men bilim alýǵa 35,20 mln AQSh dollaryn paıdalandy – «Ulttyq qor - balalarǵa»
ASTANA. KAZINFORM - 2024 jylǵy 1 aqpan men 2026 jylǵy 1 aqpan aralyǵynda jalpy somasy 35,20 mln AQSh dollaryn (ótinish berýshilerdiń banktik shottaryna aýdarý úshin ýákiletti operatorlarǵa aýdaryldy) quraıtyn 223 785 ótinish oryndaldy, dep habarlaıdy Biryńǵaı jınaqtaýshy zeınetaqy qorynyń baspasóz qyzmeti.
Olardyń ishinde:
turǵyn úı jaǵdaıyn jaqsartý maqsatynda 22,09 mln AQSh dollarynan astam somaǵa 139 759 ótinish oryndaldy;
bilim berý aqysyn tóleý úshin 13,11 mln AQSh dollary somasyna 84 026 ótinish.
Esterińizge sala keteıik, nysanaly jınaqtardy (NJ) alýshy barlyq somany nemese onyń bir bóligin paıdalanýǵa quqyly. Paıdalanylmaǵan qarajat qaldyǵy nysanaly jınaqtaý shotynda (NJSh) qalady.
Qarajatty turǵyn úı jaǵdaılaryn jaqsartýǵa paıdalanýdyń eń tanymal qosalqy maqsattary:
odan ári jınaqtaý úshin turǵyn úı qurylys jınaq aqshasyna salymdy tolyqtyrý (21,61 mln AQSh dollary somasyna 136 490 ótinish oryndaldy),
turǵyn úı satyp alýǵa ıpotekalyq turǵyn úı qaryzyn alý úshin bastapqy jarna engizý – 164,71 myń AQSh dollary somasyna 1 108 ótinish,
azamattyq-quqyqtyq mámileler boıynsha turǵyn úıdi jeke menshikke satyp alý (túpkilikti esep aıyrysý) – 119,36 myń AQSh dollary somasyna 819 ótinish.
Bilim berý aqysyn tóleý sheńberindegi eń tanymal qosalqy maqsattar:
Qazaqstan Respýblıkasynyń aýmaǵynda ornalasqan bilim berý uıymdarynyń bilim berý qyzmetterine úlestermen (árbir akademııalyq kezeń nemese oqý jyly úshin) nemese tolyq kólemde bir mezgilde (búkil oqý merzimi úshin) aqy tóleý (shamamen 12,15 mln AQSh dollary somasyna 76 643 ótinish oryndaldy),
bilim berý jınaqtaý salymy týraly shart boıynsha bilim berý jınaqtaý salymyn tolyqtyrý (645,10 myńnan astam AQSh dollary somasyna 5 134 ótinish oryndaldy),
sheteldik bilim berý uıymdarynyń bilim berý qyzmetterine úlestermen (árbir akademııalyq kezeń nemese oqý jyly úshin) nemese tolyq kólemde birjolǵy (búkil oqý merzimi úshin) aqy tóleý (252,49 myń AQSh dollary somasyna 1 827 ótinish oryndaldy).
Turǵyn úı jaǵdaılaryn jaqsartý jáne (nemese) ýákiletti operatorlar men óńirler bólinisinde bilim alýǵa aqy tóleý maqsatynda NJ tólemderi týraly tolyq aqparatpen enpf.kz saıtynda tanysýǵa bolady.
Esterińizge sala keteıik, 2025 jyldyń qorytyndysy boıynsha qazaqstandyq ár balaǵa 130,71 AQSh dollary, 2024 jyly 129,38 AQSh dollary, 2023 jyly 100,52 AQSh dollary mólsherinde kezekti esepteý júrgizildi.
Osyǵan deıin Ulttyq bank tóraǵasy bıyl Ulttyq qordan ár balanyń esepshotyna 130 dollardan aýdarylatyny týraly aıtty.
