Jas qazaqstandyq fýtbolshylar Serbııadaǵy halyqaralyq týrnırdiń júldegeri atandy
BELGRAD. KAZINFORM - Shymkent qalasyndaǵy «Ordabasy» FK jáne «Ońtústik» akademııasynyń tárbıelenýshileri alǵash ret Dragan Mance Cup (Serbııa) balalarǵa arnalǵan fýtboldan halyqaralyq týrnırge qatysty.
11-17 maýsym aralyǵynda ótken týrnırge Eýropanyń 16 elinen 288 komanda barǵan.
Qazaqstannyń Serbııa Respýblıkasyndaǵy elshiligi málim etkendeı, «Ordabasy» FK akademııasynyń fýtbolshylary U12 jas sanatynda úshinshi oryn aldy. Olar jartylaı fınalda Gretsııadan kelgen komandadan jeńildi. Jas qazaqstandyq sportshylar úshin Belgrad boıynsha tanymdyq ekskýrsııalar uıymdastyryldy. Sonymen qatar balalar Serbııa fýtbolynyń flagmandary men eýrokýboktardyń turaqty qatysýshylary – «Tsrvena Zvezda» FK men «Partızan» FK stadıondaryna bardy.
Jyl saıyn Serbııa astanasy Belgrad áıgili serbııalyq fýtbolshyny, Partızan FK men ıÝgoslavııa quramasy Dragan Manzeni eske alýǵa arnalǵan Dragan Mance Cup halyqaralyq týrnırinde Eýropanyń túkpir-túkpirinen jas fýtbolshylardy qabyldaıdy. Bıyl qazaqstandyq komandalardyń jarysqa qatysýy serbııalyq fýtbol fýnktsıonerleri Vladımır Rybıch pen Goran Stanoevıchtiń belsendi sporttyq dıplomatııasynyń arqasynda múmkin boldy.
