Jas qazaq ǵalymynyń jumysy halyqaralyq ǵylymı jýrnalda jarııalandy
ALMATY. QazAqparat - Ál-farabı atyndaǵy Qazaq Ulttyq ýnıversıteti jas ǵalymynyń sheteldik áriptestermen birikken «Crystal Research and Technology» zertteý jumysy halyqaralyq ǵylymı jýrnalyna jarııalandy, dep habarlaıdy QazAqparat tilshisi.
Atap óterligi, redaktsııa qazaqstandyq ǵalymnyń soavtorlyq jumysyn jýrnal muqabasyna shyǵarǵan.
Oqý ornynyń jalpy jáne beıorganıkalyq hımııa kafedrasy meńgerýshisiniń orynbasary, jas ǵalym Bolat Oralbekov «Growth of the complex borates YxRySc2+ z (BO3)4 (R= Nd, Pr, x+ y+ z= 2) with huntite structure» maqalasynyń avtorlarynyń biri.
Bul jýrnal SCIMago Journal Rank álemdik ǵylymı jýrnaldar reıtıngisi boıynsha úzdik basylymdar qatarynda.
Reseı jáne frantsýz ǵalymdarymen birigip jazylǵan maqalada kúrdeli borattardyń belgisiz qurylymdarmen sıntezi týraly jazylǵan.
Mundaı qosyndylar lazerlik tehnologııada qajetti optıkalyq qurylǵylar úshin paıdalanylýy múmkin.
«20 shaqty jumystyń ishinen jýrnal muqabasyna (cover picture) dál osy maqalanyń shyǵýy mundaı tehnologııanyń hımııa salasyna qosar úlesiniń qomaqtylyǵyn kórsetedi. Sońǵy 2 jylda hımııa kafedrasynyń qyzmetkerleri materıaltaný boıynsha beıorganıkalyq krıstaldardyń ósýi týraly birqatar ǵylymı materıal jarııalap úlgerdi», - dedi baspasóz qyzmetinen.
