«Jas qanat» jas oryndaýshylardyń XX baıqaýy ınternette jarııalanbaq
ANA. 28 mamyr. QazAqparat /Jasulan Amanbaıuly/ - «Jas qanat» baıqaýynda eń úzdik oryndalǵan ánderdiń beınetúsirilimderi ınternette jarııalanady.
Bul týraly búgin Astanada konkýrsanttarmen bolǵan kezdesýinde baıqaý prodıýseri Murat Erǵalıev málim etti.
«Keshe biz ınternet arqyly kórsetilim júrgizýdi oılastyrǵan bolatynbyz. Alaıda tehnıkalyq turǵyda biz sońǵy sekýndta ol oıdan bas tarttyq. Birer aptadan soń baıqaýdyń eń úzdik oryndalǵan ánderin ınternetke shyǵaratyn bolamyz»,-dedi M. Erǵalıev.
Eske sala keteıik, jas oryndaýshylardyń osymen jıyrmasynshy ret uıymdastyrylyp otyrǵan baıqaýy elordamyzda 27-29 mamyr aralyǵynda ótpek.
Bıylǵy baıqaý el táýelsizdiginiń 20 jyldyǵymen tuspa-tus kelip otyr, sondyqtan da festıval qatysýshylar úshin de, kórermen úshin de erekshe bolmaq. Bıylǵy baıqaýǵa qatysýǵa Qazaqstannyń barlyq aımaqtarynan 150 astam jas ánshi nıet tanytqan. Solardyń arasynan respýblıkanyń 10 óńirinen kelgen 15 úmitker iriktelip alyndy.
«Jas Qanat» - Qazaqstan táýelsizdigimen birge jasap kele jatqan elimizdiń eń iri án baıqaýlarynyń biri. 20 jyl ishinde ol Medeý Arynbaev, Erlan Kókeev, Janna Orynbasarova, Baqyt Shadaeva, Qurmash, «Dervıshı», «Úrker» toptary, Nurlan Abdýllın, Gúlnur Orazymbetova jáne Madına Sádýaqasova, Beıbit Qorǵan men Marjan Arapbaeva syndy ánshilerdiń otandyq shoý-bıznestiń shyńyna shyǵýyna kómektesti.
