«Jas qanat» baıqaýynyń qatysýshylary irikteldi
ASTANA. 15 mamyr. QazAqparat - Mamyrdyń 18-20-si kúnderi Astanada jas oryndaýshylardyń respýblıkalyq «Jas qanat» baıqaýy ótedi.
Osymen jıyrma birinshi ret ótkeli otyrǵan óner dodasynyń bıylǵy syndaryna qatysqan jas ónerpazdardyń sany rekordtyq mejege jetti. Buǵan deıin mundaı kóp ótinish esh túspegen kórinedi. Degenmen, sarapshylar alqasy olardyń arasynan tek 16 jas ónerpazdy iriktep alǵan. Olar - Aıdyn Ábdijúsipov (Aıagóz), Nurbolat Abdýllın (Aqtóbe), Aqmarjan Baınazarova (Qyzylorda), Gúlnar Damaeva (Astana), Ibragım Jantýlın (Oral), Eldana Dúısenova (Pavlodar), Merýert Jeldibaeva (Astana), Kúlaıym Qaıyrbaeva (ShQO), Aına Qalmaǵambetova (Taraz), Qamsyzbaı Qurmet (Pavlodar), «Kerbez» dýeti (Semeı), Dımash Qudaıbergen (Aqtóbe), Ádilhan Makın (Petropavl), Gúlsim Myrzabekova (Qaraǵandy), Baqytjan Oraqaev (Oral) jáne Názıra Hıbashova (Oral).
«Jas qanat» baıqaýynyń uıymdastyrýshysy «Azııa daýysy» halyqaralyq festıval ortalyǵy bolsa, qoldaýshysy - Astana qalasynyń ákimdigi men «Habar» agenttigi.
