«Jas qanat-2016» baıqaýynyń jeńimpazy anyqtaldy

Astanada ótken aqtyq saıysta alty qarsylas arasynan 349 upaıpen semeılik ónerpaz Parasat Otan oq boıy ozyp shyqty. Qulaq quryshyn qandyrar daýysymen erekshelengen jas jigittiń baǵy janyp, bas báıgeni qanjyǵasyna baılady.

Al ekinshi oryndy qaraǵandylyq «Úsh júz» toby enshilese, úshinshi oryn Oraldan kelgen jas oryndaýshy Aıbek Dáýletqalıevke buıyrdy. Astanalyq Jalǵas Sultanov «Habar» Agenttiginiń arnaıy syılyǵyna ıe boldy, dep jazady 24.kz.