«Jas qanat-2015» respýblıkalyq konkýrsynyń jeńimpazy anyqtaldy
ASTANA. QazAqparat - Astanada Beıbitshilik jáne kelisim saraıynda 24-shi «Jas qanat» respýblıkalyq konkýrsynyń fınaly ótti. Jas oryndaýshylardyń dodasynda Kókshetaý qalasynyń atynan qatysqan Rınat Temirjan jeńiske jetti. Ol sondaı-aq, bas júldemen qosa elorda ákiminiń aqshalaı syılyǵyn da qanjyǵaǵa basty.
Ekinshi jáne úshinshi oryndy qaraǵandylyq Laýra Aıtbaeva men astanalyq Sultan Ahmet ıelendi.
Bıyl 15 qatysýshynyń fınalǵa tek altaýy ǵana jetti. Olar: astanalyq Erkebulan Turmahambetov pen Sultan Ahmet; qaraǵandylyq Laýra Aıtbaeva; Ekibastuz qalasynyń atynan qatysýshy Aıbar Ashkeev; Stepnogor qalasynyń ónerpazy Vladımır Novıkov; sondaı-aq, kókshetaýlyq ári osy konkýrstyń jeńimpazy bolǵan Rınat Temirjandar edi.
Aıta keteıik, konkýrstyń uıymdastyrýshylary - «Habar» agenttigi, Astana qalasynyń ákimdigi jáne «Azııa daýysynyń» dırektsııasy.
