«Jas hımık» ıntellektýaldy baıqaýynyń jeńimpazdary marapattaldy
ASTANA. 21 jeltoqsan. QazAqparat - «Keshe, 20 jeltoqsanynda Astana qalalyq mektepteriniń 9-11 synyp oqýshylary arasynda «Jas hımık» ıntellektýaldy baıqaýy ótti»,
dep habarlaıdy «QazMunaıGaz» ulttyq kompanııasynyń baspasóz qyzmeti.
Baspasóz málimetterine qaraǵanda, ıntellektýaldy baıqaý Qazaqstan Respýblıkasy Táýelsizdiginiń 20-jyldyq mereıtoıy men «Qazenerdjı» qaýymdastyǵy men «QazMunaıGaz» Ulttyq kompanııasynyń mektep jasyndaǵy daryndy balalarǵa kásiptik baǵdar berý maqsatynda ótkizilip otyr. Baıqaýdyń maqsaty - oqýshylardy ǵylymı izdeniske baýlý, olardyń hımııa pánine qyzyǵýshylyǵyn arttyrý, daryndy balalardy qoldaý úshin qajetti jaǵdaılar jasaý, ǵylymdy nasıhattaý, joǵary synyp oqýshylaryna kásiptik baǵdar berý.
Baıqaýǵa aǵymdaǵy jyldyń 17 qarashasynda irikteý týrynan ótken №38 mektep-lıtseıiniń, Raıymbek batyr atyndaǵy №50 «Kazǵarysh» mektep-lıtseıiniń, daryndy qyz balalarǵa arnalǵan qazaq-túrik lıtseıi men daryndy ul balalarǵa arnalǵan qazaq-túrik lıtseıiniń, daryndy balalarǵa arnalǵan «Zerde» mektebiniń komandalary qatysty.
Ádilqazylardyń baǵalaýy boıynsha 1 orynǵa (I dárejeli dıplom) - Daryndy balalarǵa arnalǵan «Zerde» mektebi, 2 orynǵa (II dárejeli dıplom) - Daryndy er balalarǵa arnalǵan Qazaq-túrik lıtseıi, 3 orynǵa (III dárejelik dıplom) - Raıymbek batyr atyndaǵy №50 «Qazǵarysh» mektep-lıtseıi komandalary ıe boldy.
Jeńimpaz komandalar jáne ózge de qatysýshylar saıystyń bas demeýshisi «QazMunaıGaz» ulttyq kompanııasynyń atynan baǵaly syılyqtarmen marapattaldy.
