Jas haker úkimet saıtyn buzdy
ASTANA. 30 qazan. QazAqparat - Torontoda Anonymous tanymal hakerler tobynyń 12 jastaǵy hakerine qatysty is qaralýda. Besinshi synyp oqýshysy kompıýter oıyndary úshin úkimet saıttaryn buzyp otyrǵan, dep habarlady «Toronto Sun» gazeti.
Jas haker úkimetke 60 myń dollarǵa jýyq zalal keltirgen. Ol Monreal polıtsııasynyń, Kvebek qoǵamdyq densaýlyq ınstıtýtynyń, sonymen birge Chılı úkimeti saıttarynyń kiltin taýyp ashyp úlgergen. Sonymen qatar, oqýshynyń qupııa aqparattarǵa kirý joldaryn da meńgergendigi anyqtaldy.
Eske sala keteıik, Anonymous - ǵalamtordyń tolyqtaı erkindigi men táýelsizdigi úshin kúresetin kompıýter buzýshylardyń uıymy.
