Jas ǵalymdardyń respýblıkalyq baıqaýy ótedi

ALMATY. QazAqparat – Nursultan Nazarbaev qory jas ǵalymdarǵa respýblıkalyq baıqaý jarııalady. Bul jas ǵalymdardyń ǵylymı-zertteý jobalary men jumystaryn qarjylandyrýǵa jáne «Jas ǵalymdardyń úzdik Keńesi» baıqaýyna grant alý úshin qajet, dep habarlaıdy QazAqparat.

Ǵylymı-zertteý jobalaryna jáne jas ǵalymdardyń Qazaqstan Respýblıkasynyń joǵary oqý oryndary men ǵylymı uıymdaryndaǵy ǵylym, tehnologııa jáne tehnıkanyń basym baǵyttary boıynsha qoldanbaly ǵylymı saladaǵy izdenisterine2021 jyldyń 26 naýryzy men 25 sáýiri arasynda baıqaý jarııalanǵan.

Onyń maqsaty – Qazaqstannyń jas ǵalymdarynyń ımportqa qabiletti áleýetin, joǵary ınnovatsııalyq dárejesin jáne áleýmettik mańyzyn kórsetetin, bolashaǵy zor ǵylymı eńbekterin qoldaý.

Bul baıqaýdyń irikteý synyna ǵylymı qyzmetkerler (ǵylymı uıymda, joǵary oqý ornynda nemese onyń ǵylymı bólimshesinde jumys isteıtin adamdar), ǵylymı dárejesi bar tulǵalar (ǵylym kandıdaty nemese doktory, nemese fılosofııa doktory (PhD), óz salasy boıynsha doktor) qatysa alady. Jasy 40-tan aspaýy tıis. Ǵylymı jumystarǵa belsendi qatysyp júrgen Qazaqstan azamaty bolýy kerek.

Jaqynda Jas ǵalymdardyń úzdik keńesin anyqtaý maqsatyndaǵy ekinshi baıqaý bastaldy. Oǵan sońǵy ótinishter 2021 jyldyń 29 sáýirinde qabyldanady.

Bul baıqaý Jas ǵalymdar keńesiniń (JǴK) jumysyn damytýǵa septigin tıgizedi. Ol jas ǵalymdardyń bastamalaryn qoldaýǵa, sondaı-aq, ǵylymı jobalaryn iske asyrýǵa baǵyttalǵan.

— 2007 jyly Elbasynyń bastamasymen ǵylym salasyndaǵy daryndy jastardy taýyp, marapattaıtyn jańa organ – Jas ǵalymdar qory quryldy. Keıin ol Nursultan Nazarbaev qory janyndaǵy Ǵylym jónindegi keńeske aınaldy , — deıdi PhD, Nursultan Nazarbaev Qory janyndaǵy Ǵylym jónindegi keńes tóraǵasy, QR prezıdenti janyndaǵy QÁZI jetekshi ǵylymı qyzmetkeri Ermek Toqtarov . — Qor janyndaǵy Ǵylym jónindegi keńes o bastan Qazaqstannyń jas ǵalymdary óz qabiletin kórsetip, áriptesteriniń qoldaýyna ıe bolyp, ózin jáne ǵylymı izdenisterin kórsete alatyn, otandyq ǵylymdy damytýǵa baǵyttalǵan túrli jobalarǵa qatysa alatyn alańǵa aınalǵan. Mundaı keshendi jumys basqa uıymdar úshin de úlgi bop otyr. Al jas ǵalym mártebesi elimizdiń qoǵamy men ǵylymı ortasynda berik oryn alǵan.

Aıta keteıik, eki baıqaýdyń jeńimpazdary ǵylymı-zertteý jobalary men Jas ǵalymdar keńesiniń jumysyn belsendi túrde júzege asyrýǵa arnalǵan grantqa ıe bolady.

Baıqaý erejeleri men tolyq qujattar fnn.kz saıtynyń «Jobalar men baıqaýlar» bóliminde jarııalanǵan.

Qosymsha aqparatty myna telefon arqyly bilýge bolady.: [phone].