Jas ǵalymdar joǵary kásibı deńgeıimen ǵana emes, Otansúıgishtigimen de erekshelenedi— Ermek Toqtarov

ALMATY. QazAqparat — «Qazaqstandyq jas ǵalymdardyń qazirgi urpaǵy táýelsizdik jyldarynda qalyptasty»,-dedi Nursultan Nazarbaev qorynyń Ǵylymı keńesiniń tóraǵasy, PhD doktory, QR Prezıdenti janyndaǵy QSZI-niń jetekshi ǵylymı qyzmetkeri Ermek Toqtarov.

Ol týraly «Táýelsiz Qazaqstannyń zııatkerlik áleýeti: qalyptasýy men damýyna 30 jyl» atty І Halyqaralyq jas ǵalymdar forýmynda aıtty, dep habarlaıdy QazAqparat tilshisi.

Onyń aıtýynsha, jas ǵalymdar joǵary kásibı deńgeıimen ǵana emes, Otansúıgishtigimen de erekshelenedi.

«Ár joba men árbir jańa ǵylymı jańalyq eldiń ıntellektýaldyq áleýetin arttyrady. Qazaqstan Respýblıkasynyń Tuńǵysh Prezıdenti Nursultan Ábishuly Nazarbaev árqashan jas ǵalymdarǵa erekshe kóńil bóldi. Onyń bastamasy boıynsha qazirgi Ǵylymı keńes 2007 jyly quryldy. Elbasynyń qoldaýynyń arqasynda myńdaǵan jas talanttar ǵylymdaǵy óz múmkindikterin júzege asyra aldy» dedi spıker.