Jas ǵalymdar Lomonosov atyndaǵy MMÝ-degi konferentsııada ShYU-yn damytý nusqalaryn usynady

ASTANA. QazAqparat - M.V.Lomonosov atyndaǵy MMÝ-de alǵash ret ShYU-na arnalǵan jastardyń ǵylymı konferentsııasy ótedi, onda jas ǵalymdar halyqaralyq uıymdy damytý nusqalaryn usynady, dep habarlady RIA Novostı agenttigine sharanyń uıymdastyrýshylary.

«Bul birinshi tájirıbe. MMÝ alǵash ret osyndaı ǵylymı shara ótkizip jatyr», - dedi MMÝ stýdenttik odaǵyndaǵy halyqaralyq yntymaqtastyq ortalyǵynyń basshysy Margarıta Lıpovataıa.

Uıymdastyrýshylardyń atap ótýinshe, konferentsııanyń maqsaty birinshi kezekte til tájirıbesi bolady. Budan basqa, jas ǵalymdar ShYU, zań jáne ekonomıkalyq aspektileriniń aıasynda ózara qatynastar mádenıetin damytýdaǵy óz nusqalaryn usynyp, sondaı-aq bul birlestiktiń damý úrdisine boljam jasaıtyn bolady.

Konferentsııa Máskeý ýnıversıtetinde 3-5 naýryz kúnderi aralyǵynda ótedi. Oǵan ShYU elderinen 200-ge jýyq stýdent, magıstr jáne aspırant qatysady. Konferentsııa jumysy orys jáne qytaı tilderinde júrgiziledi.