Jas ǵalym: Ekonomıkanyń aqparattyq tehnologııa arqyly damýy - álemdik jol
«Elbasynyń bıylǵy Joldaýy elimizdegi tórtinshi ónerkəsiptik revolıýtsııa jaǵdaıyn damytýǵa arnaldy. Sonymen qatar ony júzege asyrýǵa baǵyttalǵan negizgi 10 mindet te atap ótildi. Búgingi kúni zamanaýı tehnologııalardyń qarqyndy damýyna baılanysty álem kóz ilespes jyldamdyqpen ózgerip jatyr. Negizgi mindetterdiń basym bóliginde ártúrli salalarda zamanaýı tehnologııalardy paıdalana otyryp, tsıfrlandyrý arqyly ekonomıkalyq jáne ındýstrııalyq damýdy júzege asyrý aıqyndaldy. Onyń ishinde ındýstrııalandyrý jańa tehnologııalardy engizýdiń kóshbasshysyna aınalýy tıis ekeni ataldy», - dep atap ótti ol.
Sábıt Ibadýllanyń aıtýynsha, oblys ákimdiginiń qoldaýymen aqparattyq tehnologııalarǵa qyzyǵýshylyǵy bar jergilikti jastarǵa arnap «HackDay» konkýrsy uıymdastyrylǵan. Aımaqta ІT baǵyttaǵy jumystardy jandandyrý maqsatynda óńirlik keńes qurylyp, jumys atqaryp keledi.
Qorqyt ata atyndaǵy Qyzylorda memlekettik ýnıversıtetiniń basshylyǵy aqparattyq tehnologııalardyń elimizdiń ekonomıkalyq úderisinde alatyn ornyn eskere kele, úzdik túlekterdi sheteldik joǵary oqý oryndaryna ýnıversıtettiń arnaýly qarjysy esebinen jiberip keledi.
«Osy baǵdarlama arqyly men Máskeý qalasyndaǵy Reseı halyqtar dostyǵy ýnıversıtetinde robototehnıka boıynsha PhD doktorantýrada oqydym. Ǵylymı baǵytymdaǵy máseler men sheshimder osy Joldaýdyń negizgi mindetterine engenin qýanyshpen qabyldadym.
Ekonomıkanyń aqparattyq tehnologııa arqyly damýy - álemdik jol. Osy jolǵa qadam basýǵa arnalǵan Joldaýdyń orny erekshe. Ásirese, negizgi 1-shi mindetti IT salasyndaǵy mamandar shyn nıetimizben qoldaımyz jáne júzege asyrýǵa kúsh jumyldyramyz. Jas mamandar jańa tehnologııalardy jyldam ári sapaly túrde ıgerip, búkil álemde Qazaqstannyń IT baǵytyn joǵary kórsetkishtermen tanytýǵa jumys jasaýǵa daıyn», - dedi jas ǵalym.
