Jas ǵalymdar jumyldyrylǵan jobalardyń aýqymy qandaı
ASTANA. KAZINFORM — Jas ǵalymdarǵa arnalǵan konkýrstar boıynsha 700-ge jýyq joba iske asyrylyp jatyr. Bul týraly Ǵylym jáne joǵary bilim mınıstrligi málim etti.
— Qoldanbaly zertteýler salasynda jumys isteıtin ǵalymdardyń jalaqysyna arttyrýshy koeffıtsıent engizildi, sondaı-aq «Jas ǵalym» granttyq qarjylandyrý konkýrsy jyl saıyn ótkiziledi. Jas ǵalymdarǵa arnalǵan granttyq qarjylandyrý konkýrstary jáne «Jas ǵalym» jobasy aıasynda osy jyly 690 joba iske asyrylyp jatyr. Onyń ishinde «Jas ǵalym» jobasy boıynsha 483 joba qamtylǵan, — delingen mınıstrliktiń Kazinform agenttigine bergen jaýabynda.
Vedomstvo aqparatyna qaraǵanda, qazir ǵylymı qyzmetkerlerdi, sonyń ishinde jas ǵalymdardy áleýmettik qoldaýdy keńeıtýge erekshe nazar aýdarylyp otyr. Ǵylymı dárejeler men ǵylymı ataqtar úshin beriletin qosymsha tólemder ulǵaıtyldy, halyqaralyq taǵylymdamalar jalǵasyp jatyr, jyl saıyn «Úzdik ǵylymı qyzmetker» ataǵy boıynsha 50 syılyq, ǵylym salasyndaǵy syılyqtar men memlekettik ǵylymı stıpendııalar, sonyń ishinde daryndy jas ǵalymdarǵa arnalǵan 50 stıpendııa bólinedi.
Buǵan deıin JOO oqytýshylaryna shetelde taǵylymdamadan ótýine qanshalyqty jaǵdaı jasalǵanyn jazǵan edik.
Eske salsaq, byltyr jeltoqsan aıynda 50 ǵalymǵa «Úzdik ǵylymı qyzmetker» syılyǵy beriledi.