Jas ǵalymdar taǵlymdamadan ótetin sheteldik ýnıversıtetter tizbesi keńeıtilmek
ASTANA. KAZINFORM – Ǵylym jáne joǵary bilim mınıstrligi Jas ǵalymdar taǵlymdamadan ótetin sheteldik ýnıversıtetter tizbesi keńeıtýdi josparlap otyr.
- Qazaqstan ǵalymdary Ǵylym jáne joǵary bilim mınıstrligi jyl saıyn bekitetin tizimge engizilgen joǵary jáne (nemese) joǵary oqý ornynan keıingi bilim beretin jetekshi sheteldik uıymdarda, ǵylymı ortalyqtarda jáne ózge de uıymdarda ǵylymı taǵylymdamadan óte alady. Oǵan jetekshi ýnıversıtetter men halyqaralyq deńgeıde tanylǵan ǵylymı ortalyqtar men uıymdar kiredi, - dedi mınıstrlikten agenttiktiń resmı saýalyna oraı.
2026 jylǵa arnalǵan tizim Ǵylym jáne joǵary bilim mınıstriniń 2026 jylǵy 2 sáýirdegi № 168 buıryǵymen bekitilgen. Atalǵan tizimde Aýstralııanyń – 21, Aýstrııanyń – 6, Belgııa Koroldiginiń – 3, Brazııalynyń – 4, Majarstannyń – 1, Ulybrıtanııa jáne Soltústik Irlanııa Birikken Koroldiginiń – 65 , Germanııanyń – 21, Danııa Koroldiginiń – 7, Úndistannyń – 9, Izraıldiń – 1, Irlandııanyń – 2, Italııanyń – 25, Kanadanyń – 13, Qytaıdyń – 28, Gonkong arnaıy ákimshilik aýdanynyń – 7, Makao arnaıy ákimshilik aýdanynyń – 1, Malaızııanyń – 7, Meksıkanyń – 2, Nıderland koroldiginiń – 14, Jańa Zelandııanyń – 4, Norvegııa Koroldiginiń – 4, Birikken Arab Ámirlikteriniń – 2, Polshanyń – 1, Reseıdiń – 9, Sıngapýrdyń – 2, AQSh-tyń – 89, Túrkııanyń – 2, Fınlıandııanyń – 6, Frantsııanyń – 22, Chılıdiń – 2, Shveıtsarııanyń – 19, Shvetsııa Koroldiginiń – 11, Koreıanyń – 13, ońtústik Afrıka Respýblıkasynyń – 3, Japnııanyń 11 ýnıversıteti bar.
- Budan ári ǵylymı taǵylymdamadan ótýge bolatyn uıymdar tizbesin keńeıtý josparlanyp otyr. Tizim ǵylymı qoǵamdastyqtyń ózekti qajettilikterin, zamanaýı tendentsııalardy jáne ǵylymdy damytýdyń basym baǵyttaryn, sondaı-aq jańa ǵylymı baǵyttar men perspektıvaly seriktes uıymdardyń paıda bolýyn eskere otyryp qalyptastyrylady,- dedi vedomstvodan.
Buǵan deıin qazaq ǵalymdarynyń ázirlemeleri shetelderde suranysqa ıe bolǵanyn jazǵan edik.
