Jas fýtbolshylar Brazılııaǵa oqýǵa ketti
ASTANA. QazAqparat - Elimizdiń 2000 jyly týǵan jas fýtbolshylary Brazılııa Federatıvti Respýblıkasynyń «Krýzeıro» fýtbol klýbynyń akademııasyna oqýǵa ketti. Bul týraly egemen.kz habarlady.
Fýtbolshylardyń qasynda eki jattyqtyrýshy bar. Olar jastardyń oqýyn qadaǵalap, jattyǵýlaryna qatysyp otyrady. Jastar ekinshi semestrdi oqyp, eki jyldan keıin elge qaıtyp keledi. Akademııadaǵy oqý Belý-Orızontı qalasynda bolady. Bul - elimizden Ońtústik Amerıka eline oqýǵa ketken jas fýtbolshylardyń úshinshi tolqyny. Alǵash ret jastarymyz 2009 jyly Brazılııaǵa baryp, «Ole Brazıl» jobasy boıynsha eki jyl teńbil dop ónerimen sýsyndap qaıtqan bolatyn.
Jas fýtbolshylardy Brazılııaǵa shyǵaryp salý rásimi Almatyda ótti. Onda Qazaqstan fýtbol federatsııasynyń vıtse-prezıdenti Seıdilda Baıshaqov, jastardy jattyqtyrǵan maman Qaırat Bıekenov pen jobanyń kýratory Bolat Jýasbaev sóz sóılep, Brazılııaǵa attanǵan fýtbolshylarǵa sát sapar tiledi.
