Jas fızıkter Koreıada ótetin bedeldi olımpıadada el namysyn qorǵaıdy
ASTANA. KAZINFORM — 17-25 mamyr aralyǵynda Koreıanyń Pýsan qalasynda fızıkadan Azııa olımpıadasy (APhO) ótip jatyr. Bilim saıysyna Azııa-Tynyq muhıty aımaǵyndaǵy 30-dan asa elden shamamen 240 oqýshy qatysady, dep habarlaıdy Oqý-aǵartý mınıstrligi.
Olımpıada aıasynda qatysýshylar uzaqtyǵy bes saǵattan turatyn teorııalyq jáne eksperımenttik týrlarda baq synap, sondaı-aq óńirdiń úzdik jas fızıkterimen ǵylymı jáne mádenı tájirıbe almasý múmkindigine ıe bolady.
Qazaqstan komandasynyń quramasy:
Ámirbek Azatbekov — Astana qalasyndaǵy NIS «Astana-Nura» mektebiniń 12-synyp oqýshysy;
Roman Cheremnov — Almaty qalasyndaǵy «Mıras» halyqaralyq mektebiniń 12-synyp oqýshysy;
Ilııas Qazymbek — Astana qalasyndaǵy Spectrum International School mektebiniń 11-synyp oqýshysy;
Nurgúl Egenbergenova — Astana qalasyndaǵy «NURORDA» mektep-lıtseıiniń 11-synyp oqýshysy;
Taır Ábdiqadir — Qostanaı oblysyndaǵy «Bilim-Innovatsııa» mamandandyrylǵan lıtseı-ınternatynyń 11-synyp oqýshysy;
Damır Qurman — Astana qalasyndaǵy NIS «Astana-Nura» mektebiniń 11-synyp oqýshysy;
Mergen Sabyrov — Astana qalasyndaǵy «NURORDA» mektep-lıtseıiniń 10-synyp oqýshysy;
Arǵyn Seıtkamıt — Astana qalasyndaǵy NIS «Astana-Nura» mektebiniń 11-synyp oqýshysy.
Qurama jetekshileri:
Qasymhan Baıseıitov — PhD, ál-Farabı atyndaǵy Qazaq ulttyq ýnıversıtetiniń aǵa oqytýshysy;
Dáýlet Qurmantaev — fızıka páninen respýblıkalyq jáne halyqaralyq olımpıadalardyń birneshe dúrkin júldegeri.
Aıta keteıik, 2025 jyly Qazaqstan quramasy 100% nátıje kórsetip, tórt kúmis jáne tórt qola medal ıelendi. Sonymen qatar Nurgúl Egenbergenova qyzdar arasyndaǵy úzdik qatysýshy retinde «Best Female» arnaıy syılyǵymen marapattalǵan.
Osydan buryn Qazaqstan oqýshylary Halyqaralyq fılosofııa olımpıadasynda alǵash ret marapatqa ıe bolǵanyn jazdyq.
