Jas elordany jarqyn bolashaq kútedi - Vena dıplomatııalyq akademııasy rektorynyń izgi tilegi
VENA. 6 shilde. QazAqparat /Tımýr Bekturǵanov/ - Qazaqstannyń jas elordasyn jarqyn bolashaq kútedi, biz Astana men búkil qazaqstandyqtarǵa beıbitshilik pen gúldený tileımiz! Avstrııanyń syrtqy saıasat jónindegi burynǵy Memlekettik hatshysy, Vena dıplomatııalyq akademııasynyń rektory Hans Vınkler QR elordasyn osyndaı izgi tilekpen quttyqtady.
«Men Qazaqstanǵa ár jyldary úsh ret sapar jasadym, jáne de Astanamen de tanystym. Qalanyń ozyq sáýleti, dostyq pen ashyqtyq qasıeti áser qaldyrady», - dedi ol 5 shilde kúni QazAqparat tilshisine bergen suhbatynda.
Qazaqstan men Avstrııa arasyndaǵy ekijaqty qarym-qatynastyń bolashaǵy týraly aıta kelgen Vena dıplomatııalyq akademııasynyń rektory gýmanıtarlyq sala, sonyń ishinde eń aldymen, bilim berý salasyndaǵy yntymaqtastyqtyń joǵarǵy áleýetin aıta kele, memleketterdi jáne eki eldiń de akademııalyq ortalaryn birlesken bilim berý jobalaryn júzege asyrýǵa nazar aýdartty.
