Jas dzıýdoshylarymyz álem chempıonatynyń alǵashqy kúni eki medal jeńip aldy
ASTANA. QazAqparat - Horvatııa astanasy Zagreb qalasynda dzıýdodan jastar arasyndaǵy álem chempıonatynyń birinshi kúni otandastarymyz eki medal jeńip aldy, dep habrlaıdy QazAqparat tilshisi.
Álem Chempıonatynyń alǵashqy kúninde Abıba Ábýjaqynova (44 kg) kúmiske qol jetkizse, Baýyrjan Narbaev (55 kg) qola medalǵa ıe boldy. Álem birinshiliginiń birinshi kúninde Qazaqstan ulttyq jastar quramasy 1 kúmis jáne 1 qola júldemen medal sany boıynsha 5-orynǵa jaıǵasty.
Esterińizge sala ketsek, keshe Horvatııa astanasy Zagrebte dzıýdodan jastar arasyndaǵy álem chempıonaty bastalǵan bolatyn. Álemniń 83 elinen 600-ge jýyq tatamı sheberleri synǵa túsip jatqan jyldyń mańyzdy dodasy qazannyń 22-sine deıin jalǵasady. Bul synda Qazaqstan namysyn 20 dzıýdoshy qorǵap jatyr.
