Jas dzıýdoshylar sary belbeý alý úshin attestatsııa tapsyrdy
Aqtóbede dıýdodan jasóspirimder 5 kıý attestatsııasyn tapsyrdy. Attestatsııalaýǵa Qazaqstan dzıýdo federatsııasynyń ortalyq attestatsııalaý komıssııasynyń tóraǵasy, Qazaqstan dzıýdo federatsııasynyń bas hatshysy Ashat Jitkeev tóraǵalyq etti. Bul týraly Kazinform Olympic.kz-ke silteme jasap habarlaıdy.
Qazaqstan Respýblıkasyna Eńbegi sińgen jattyqtyrýshy Salamat Otarbaev atyndaǵy dzıýdo Akademııasynda ótken attestatsııalaýǵa 65 jas tatamı sheberi qatysty.
Sporttyq shara barysynda Qazaqstanǵa eńbegi sińgen, álemdik arenada el namysyn abyroımen qorǵaǵan álem chempıony Maksım Rakov, qazirgi tańda Qazaqstan dzıýdo federatsııasynyń atqarýshy dırektory qyzmetindegi Aıbek Imashev , Tuńǵysh Olımpıada chempıony jastar arasynda Erlan Slıambaev jáne Eldos Ihsangalıev syndy bilikti sportshylar jastarmen tájirıbesin bólisti.
Aıta keterligi, 5-ku attestatsııasynan ótken dzıýdoshylar sary belbeýge ıe bolady.
