Jas dızaınerler múmkindigi shekteýli balalarǵa arnalǵan kıim toptamasyn shyǵardy
«Nurly júrek» ońaltý ortalyǵyndaǵy balalar qazaq ertegilerindegi hanshaıymdar men Olımpıada sportshylaryna aınalyp shyǵa keldi.
Erekshe kıimderdi Qazaq tehnologııa jáne bıznes ýnıversıtetiniń stýdentteri balalardyń jasy men erekshelikterin eskere otyryp ázirlegen. Atalǵan shara QR Tuńǵysh Prezıdenti - Elbasy qorynyń «Meıirim kerýeni» atty qaıyrymdylyq jobasy aıasynda júzege asyrylýda. 
Sonymen birge, QR Tuńǵysh Prezıdenti - Elbasy qorynyń qoldaýymen, Qazaq tehnologııa jáne bıznes ýnıversıteti Astana qalasyndaǵy №1 balalar úıiniń 15 tárbıelenýshisine qysqa merzimdi kýrs júrgizýde. Atap aıtqanda, 9-10-11 synypta oqıtyn tárbıelenýshiler meıramhanalyq bıznes, aspazdyq, kıim dızaıny jáne kompıýterdi meńgerý boıynsha oqyp júr. Oqytý aıaqtalǵan soń beriletin sertıfıkattar balalardyń bolashaqta osy kásipter boıynsha bilim alýyna nemese jumysqa ornalasýyna múmkindik beredi.