Jas dıplomattyń ómiri men qyzmeti týraly kitap shyqty
ASTANA. QazAqparat - Jas dıplomattyń ómiri men qyzmeti týraly jazylǵan «Dıplomat v sandalııah» atty kitap jaryq kórdi, dep habarlaıdy QazAqparat.
Kitaptyń avtory Syrtqy ister mınıstrligi Halyqaralyq aqparat komıtetiniń tóraǵasy Talǵat Jumaǵulov.
«Dıplomat v sandalııah» jas dıplomattyń ómiri men jumysy týraly áńgimelerdiń jınaǵy. Toptamada syrtqy ister organdarynda jumys isteıtinderdiń basynan ótken qyzyqty oqıǵalar baıandalady. Meniń kitabymnyń sıýjeti jalpy dıplomatııanyń qupııalaryn tolyq ashpasa da, qatardaǵy forın-ofıs qyzmetkeriniń qarapaıym ómirin sýretteıdi. Basylymnyń ekinshi taraýynda ómiriniń basym bóligin dıplomatııa salasyna arnaǵan ákem Marat týraly jazylǵan»,- deıdi Talǵat Jumaǵulov óziniń Feısbýktegi paraqshasynda.
Eske salsaq, 2017 jylǵy 18 sáýirde Talǵat Maratuly Jumaǵulov Qazaqstan Respýblıkasy Syrtqy ister mınıstrliginiń Halyqaralyq aqparat komıtetiniń tóraǵasy qyzmetine taǵaıyndaldy.
Talǵat Jumaǵulov Abylaı han atyndaǵy Qazaq halyqaralyq qatynastar jáne álem tilderi ýnıversıtetin, Garvard ýnıversıtetiniń (AQSh) magıstratýrasyn aıaqtaǵan. Ár jyldary Syrtqy ister mınıstrliginiń ortalyq apparatynda, Izraıldegi Qazaqstan Elshiliginde, EQYU janyndaǵy Qazaqstannyń turaqty ókildiginde jumys istedi, Qazaqstan Respýblıkasy Parlamenti Senatynyń baspasóz qyzmetiniń basshysy boldy.
