Jas dindarlar dıplom aldy

QMDB málimetinshe, bıylǵy on segiz túlektiń jeteýi úzdik úlgidegi dıplomǵa ıe boldy. Bul úzdikterdiń úsheýi «Nur Múbárak» ýnıversıtetine joldama aldy. Olar bilimin ary qaraı jalǵastyrady.

 Sonymen birge, qalǵan túlekter Ortalyq Azııa múftıler Keńesiniń jáne Qazaqstan musylmandary dinı basqarmasynyń tóraǵasy, Bas múftı, sheıh Ábsattar qajy Derbisáli haziret buıryǵymen elimizdiń túkpir-túkpirine qyzmetke taǵaıyndaldy.

 Medrese dırektory Qalıjan qajy ustaz retinde bitirýshi túlekterge, birqatar aqyl-keńesin bere kele, qyzmetke barǵan aýyl-aımaqtyń kónekóz qarııalary men bilimdi azamattaryna erekshe qurmet etýdi, olardyń aqyl-keńesine qulaq túrip, ómirlik tájirıbesin paıdalanýdy, kitap oqyp, izdenýdi eshýaqytta toqtatpaýdy, din taqyrybyndaǵy daý-damaıdan aýlaq bolýdy, sabyr saqtap durys tóreligin aıtýdy,  dinı dáris berýmen aınalysýdy nasıhat etti.