Jas depýtat Quryltaıda qandaı máselelerdi kóteretinin aıtty
ASTANA. KAZINFORM – Quryltaıdyń jańa depýtaty Maqsut Nasıbýlov alǵashqy otyrystan keıin tilshilerge suhbat berip, alǵashqy áseri týraly áńgimeledi.
Onyń aıtýynsha, depýtattardyń jeke qyzmettik kóligi men júrgizýshisi bolmaıdy. Qajettiligi boıynsha arnaıy kólik berilip otyrady.
– Buǵan deıin kóterip kele jatqan paıshylar máselesi, áleýmettik máseleler jáne tsıfrlyq ashyqtyqty Quryltaı qabyrǵasynda kóteremiz. Partııamyzdyń saılaýaldy baǵdarlamasynda bul týraly jazylǵan bolatyn. JDSP partııasynda júrgenime 13 jyl bolady. Onyń 10 jylyn aýyldarǵa baryp, paıshylardyń máselesin kóterdim. Basqa da áleýmettik máselelerdi kóterip, analız jasap, Májilistiń 8-shaqyrylymyna qanshama usynys berdik. Bastamalar kóterip, zańǵa usynystar engizildi. Sondyqtan maǵan tańsyq dúnıe emes, – dedi Quryltaı depýtaty.
Eske salaıyq, 23 tamyzda bir palataly Quryltaı depýtattaryn saılaý ótti.
Saılaý zańnamasynyń talaptaryna sáıkes saılaýshylardyń 5 jáne odan da kóp paıyz daýysyn jınaǵan bes saıası partııa arasynda depýtattyq mandattar aıqyndaldy. Osyǵan baılanysty QR Quryltaıy depýtattarynyń 145 mandaty tómendegideı bólindi:
«Ádilet» partııasy — 110 mandat;
Jalpyulttyq sotsıal-demokratııalyq partııa — 8 mandat;
«Aýyl» partııasy — 10 mandat;
«Aq jol» Qazaqstannyń demokratııalyq partııasy — 8 mandat;
«Respublica» partııasy — 9 mandat.
Buǵan deıin Qasym-Jomart Toqaev Quryltaıdyń alǵashqy quramyna aıryqsha jaýapkershilik júkteletinin aıtqan edi.
Búgin birinshi shaqyrylymdaǵy Quryltaıdyń depýtattary saltanatty túrde ant berdi.
Depýtattar Quryltaıdyń segiz komıtetin bekitti.
