Jas bosanǵan áıeldiń óliminen soń perzenthanada tekserý bastaldy
ALMATY. QazAqparat – Almatyda №1 perzenthanada jas bosanǵan áıel kóz jumdy, dep habarlaıdy QazAqparat tilshisi.
Qaıǵyly oqıǵa №1 perzenthanada 17 shildede bolǵan.
Bul týraly Instagram jelisinde qaıtys bolǵan áıeldiń sińlisi jazdy.
«Sýrette meniń ápkem. Dárigerlerdiń jaýapsyzdyǵynan kóz jumdy. №1 perzenthanada 17 shildede túngi 3-te dárigerler kesar tiligin jasady. Ómirge qyz bala keldi. Biraq, anasy ózine ózi kele almady. Іshi aýyrdy. Alaıda dárigerler bári jaqsy, bul aýyrsyný bolady dep sendirdi. Biraz ýaqyttan soń ishten qan kete bastady. Keshki 5-te ony qaıtadan operatsııaǵa alǵan. Biraq kesh boldy. Ápkem qaıtys bop ketti. Artynda úsh balasy qaldy. Bizdiń qaıǵymyzdy sózben jetkizý múmkin emes», - dedi Israılova Albına.
Qalalyq Qoǵamdyq densaýlyq saqtaý basqarmasy qaıtys bolǵan áıeldiń jaqyndary men týystaryna qaıǵylaryna ortaqtasyp kóńil aıtty.
«Perzenthanada bolǵan oqıǵaǵa baılanysty keshendi komıssııa quryldy. Komıssııa quramyna Respýblıkalyq uıymdardyń, QR DSM taýarlar men qyzmetterdiń sapasy men qaýipsizdigin qadaǵalaý komıtetiniń ókilderi endi. Komıssııalyq tekserý materıaldary keıin polıtsııaǵa tapsyrylady. Polıtsııa iske quqyqtyq baǵa beretin bolady», - dedi qalalyq Qoǵamdyq densaýlyq saqtaý basqarmasynan.
Bul másele qala ákimdiginiń jeke baqylaýyna alyndy.
