Jas boksshylarymyz Eýropadan tabysty oraldy
ASTANA. Naýryzdyń 1-i. QazAqparat - Germanııanyń Oderdegi Frankfýrt qalasynda jastar arasynda bokstan halyqaralyq týrnır aıaqtaldy.
17 eldiń ulandary qatysqan osynaý baıraqty básekede bizdiń sportshylarymyz 3 altyn jáne 2 kúmis medal jeńip aldy.
Týrnır aqpannyń 16-sy men 22-si aralyǵynda ótti.
48 keli salmaqta Almaty boks mektebiniń túlegi Ánýar Mustafaev altynnan alqa taqsa, ekinshi altyndy qaraǵandylyq Rýslan Mádıev 54 kelige deıingi salmaqta jeńip aldy. Al tarazdyq Arbek Ábdiǵanıev 81 keli salmaqta sheberlik tanytyp úshinshi altyndy qanjyǵalady.
Astanalyq Nurlan Ábjanov - 51 keli salmaqta, Almaty oblysynyń túlegi Jánibek Álihanuly - 69 keli salmaqta kúmis júldeniń ıegerleri atandy.
- Jasóspirimderimiz ben jastar arasynda qazirdiń ózinde, jastyǵyna qaramastan, baıypty da kánigi boks ónerin kórsetip júrgen jigitter jetkilikti. Biz dál qazir Sıngapýrde ótetin І Jastar Olımpıadalyq oıyndaryna daıyndyq jasaýdamyz. Al bul týrnır jas boksshylarymyzdyń sol basty básekelerge daıyndyqtarynyń naq bıik deńgeıine jetken kúıde bolýyna jasalar basty saıystarymyzdyń biri dep baǵalap otyrmyz, - dedi Qazaqstan jastar quramasynyń aǵa jattyqtyrýshysy Nazar Іlııasov óz suhbatynda.
Aldaǵy naýryz aıy jasóspirimderimiz ben jas boksshylarymyz úshin mańyzdy sporttyq sharalarǵa toly.Solardyń eń mańyzdysy - naýryzdyń 2-si men 11-i aralyǵynda Iranda ótetin Azııa chempıonaty.
Al naýryzdyń 12-si men 23-ine deıin Taldykorǵanda Kýba, Qazaqstan jáne Ázirbaıjan jastar qurama komandalary birlesken oqý-jattyǵý jıynyn ótkizedi, sońynan osy elder boksshylarynyń qatysýymen halyqaralyq týrnır ótedi dep belgilengen.
Sáýirdiń 20-sy men mamyrdyń 2-si aralyǵynda Bakýde ótetin jastar arasyndaǵy Álem chempıonaty da - basty sporttyq sharanyń biri.
Al, boks básekeleriniń bıylǵy sharyqtaý shegi - tamyzdyń 14 - 26-sy aralyǵynda Sıngapýrde ótetin І Jastar Olımpıadalyq oıyndary bolady dep kútilýde.
