Jas boksshylarymyz Azııa chempıonatynda 6 altyn, 1 kúmis jáne 3 qola medalge ıe boldy (FOTO)
PAVLODAR. QazAqparat - Bokstan jastar arasynda Azııa chempıonaty Qazaqstan komandasy úshin jemisti jeńispen aıaqtaldy. Qaladaǵy Qazaqstan muz saraıynda alty ret Ánuranymyz shyrqaldy. Jas sportshylarymyz altynǵa qosa kúmis jáne qola medalderdi oljalady.
On boksshymyz týrnırdiń aqtyq synyna shyǵyp, barlyǵy da marapattaldy.
«QazAqparat» HAA tilshisi jastar quramasynyń bapkeri Ǵalym Kenjetaevtan óziniń shákirtterine kóńili tola ma, dep surap jatqan kezde ol: «áli bári jekpe jegin aıaqtaǵan joq, sondyqtan ázirge baǵa berýge erte» dep jaýap qatty. Osy kezde zalda besinshi márte Qazaqstannyń kók baıraǵy jelbirep jatqan edi.
Zalǵa jınalǵan jankúıerler «Qazaqstan» dep qol soǵyp, urandatyp jatqany jas sportshylarymyzdyń jetistigine berilgen baǵa bolatyn.
