Jas áıel ǵalamtordyń arqasynda ózinen obyr aýrýyn anyqtady
ASTANA. QazAqparat - Dárigerler odan kólemi qaýyn sııaqty isikti baıqamasa da, jas áıel ǵalamtordyń arqasynda ózinen obyr aýrýyn anyqtaǵan.
Ulybrıtanııanyń turǵyny Sedı Rens ózine dıagnozdy Google arqyly qoıdy. Áıel Google izdeý júıesi arqyly ózinen analyq beziniń obyryn anyqtaǵan. Dárigerler bolsa, alǵashynda onyń ishekteriniń problemalary bar dep aıtty. 23 jastaǵy Sedı Renstiń ótken testi boıynsha ol obyrdyń toǵyz belgisiniń ishinen ózinde segiziniń baryn anyqtady. Jas áıel dárigerlerge ekinshi ret barǵanda, medıtsınalyq qyzmetkerler onyń tórtinshi dárejedegi obyr aýrýyna shaldyqqanyn aıtty, dep jazady Metro. Áıel olarǵa asqazany aýyryp barǵan edi.
Dárigerler Sedıden ishekterdiń isinýi sındromyn anyqtaǵan. «Men óz denemdi bilemin, másele basqada bolǵanyn naqty aıta alamyn», - dep baıandaıdy boıjetken. Sonda Sedı ǵalamtorǵa júginip, óz aýrýynyń barlyq belgilerin atap, nátıjesinde obyr aýrýyna shaldyqqanyn bildi.
