Jasóspirimder Azıadasy: Álıhan Áskerbaı jańa álem rekordyn ornatty

ASTANA. KAZINFORM – Aýyr atletıkadan Qazaqstan quramasynyń ókili Álıhan Áskerbaı Bahreınniń Manama qalasynda ótip jatqan jasóspirimder arasyndaǵy Azııa oıyndarynda top jardy. Bul týraly UOK habarlady.

Ol 71 kelige deıingi salmaq dárejesinde altyn medal jeńip aldy.

Julqa kóterýde Áskerbaı úzdik múmkindiginde 144 kelini eńserdi. Bul kórsetkish jasóspirimder arasynda jańa álem rekordy bolyp tirkeldi. Álıhan óz rekordyn ózi jańartty. Sonymen qatar ol Azııa jáne jasóspirimder arasyndaǵy Azııa oıyndarynda rekord jasady.

Kúmis júldeni qytaılyq Chen Sınsın (143 keli) ıelense, ózbekstandyq Haetbek Ermatov (131 keli) úshinshi orynǵa taban tiredi.

Aıta ketelik qazaqstandyq aýyr atlet Beıbarys Erseıit Manama qalasynda (Bahreın) ótip jatqan jasóspirimder arasyndaǵy el qorjynyna eki júlde salǵan edi.