Jas arhıvshilerdiń VI halyqaralyq jazǵy mektebi bastalady

ASTANA. QazAqparat - Jas arhıvshilerdiń VI halyqaralyq jazǵy mektebi 2023 jyldyń 7-9 maýsym aralyǵynda ótedi.

Jazǵy mekteptiń uıymdactyrýshylary - Prezıdent arhıvi, ál-Farabı atyndaǵy Qazaq Ulttyq ýnıversıteti jáne Reseı memlekettik gýmanıtarlyq ýnıversıteti.

Onyń jumysyna Qazaqstan, Qytaı, Qyrǵyzstan, Ózbekstan, Reseı, Tanzanııa, Túrkimenstannan 100-den astam arhıvshi qatysady.

Jazǵy mektepte Qazaqstan, Birikken Arab Ámirlikteri, Ózbekstan, Túrkııa jáne Reseıdiń ǵalymdary men tájirıbeli mamandary arhıv isi boıynsha dáris oqıdy.

7 maýsym saǵat 10.00-de (Astana ýaqytymen, GMT +6) Qazaqstan Respýblıkasy Prezıdentiniń arhıvinde VI Halyqaralyq jas arhıvshilerdiń jazǵy mektebiniń resmı ashylý rásimi ótedi.

Ashylý rásimine Qazaqstan Respýblıkasy Prezıdenti Ákimshiliginiń, ál-Farabı atyndaǵy Qazaq ulttyq ýnıversıteti men Reseı memlekettik gýmanıtarlyq ýnıversıtetiniń basshylyǵy, Qazaqstan, Birikken Arab Ámirlikteri, Belarýs pen Ózbekstan, Reseıdiń arhıv mekemeleriniń basshylary qatysady.