Jas ánshilerdiń respýblıkalyq HHІ «Jas qanat-2012» baıqaýynyń «altynyn» aqtóbelik Dımash Qudaıbergen ıelendi - qorytyndylar
ASTANA. 21 mamyr. QazAqparat - Astana qalasynda ótken jas ánshilerdiń «Jas qanat-2012» XXI respýblıkalyq baıqaýynyń júldegerleri anyqtaldy, dep habarlaıdy uıymdastyrýshylardyń baspasóz qyzmetinen.
«Jas qanat-2012» jas oryndaýshylar baıqaýy mamyrdyń 18-20 kúnderi ótti. Altyn qanatty Aqtóbe qalasynan Dımash Qudaıbergen ıelense, kúmis júldeni astanalyq Gúlnar Damaeva, qola júldeni Kýrchatov qalasynan Kúlaıym Qaıyrbaeva jeńip aldy.
Baıqaýda halyqtyń batyr qyzy Álııa Moldaǵulova beınesinde shyqqan qaraǵandylyq qatysýshy Gúlsim Myrzabekova tórtinshi orynnan kórinse, Qyzylorda qalasynyń atynan shyqqan Aqmarjan Baınazarova besinshi boldy.
Baıqaýdyń uıymdastyrýshylary men demeýshileri fınalǵa nemese jartylaı fınalǵa deıin jetpegen qatysýshylardy da syılyqtardan qur qaldyrmady. Kóbi tanymal televızııalyq arnalarda jáne radıo stansylarda ánderin jazdyrýǵa sertıfıkattar aldy, basqalaryna aqshalaı júldeler men kádesyılar tabystaldy.
Qazylar alqasynyń tóraǵasy Tólegen Muhamedjanov: «Barlyǵyńyz da jeńiske jettińiz, óıtkeni sizderdi búkil el kórip, estıtin bolady jáne sizder barlyq qazaqstandyqtardyń júrekterine meıirimdilik pen mahabbattyń shýaǵyn jetkizdińizder!», - dedi.
