Jas ánshi Ernar Aıdar avtorlyq quqyqty buzǵany úshin jaýapqa tartylýy múmkin
ASTANA. QazAqparat - Taıaýda jas ánshi Ernar Aıdardyń «Shaıhana» atty jańa áni jaryq kórgen edi. Jańa án jurtshylyqtyń kóńilinen shyǵyp úlgergeni ras. Alaıda ánniń avtory Ernar Aıdar ruqsatsyz oryndaǵany úshin renjýli ekenin aıtty, dep jazady baistars.kz.
Kópshilikke «Dj Miran» esimimen tanys ánshi ári kompozıtor sol ánniń zańdy túrdegi avtory eken. 2014 jyly «Dj Miran» «Qyzdar-aı» degen ataýmen shyǵarǵan bul ándi 1 jyldan keıin avtordyń kelisiminsiz «Shaıhana» dep ózgertip, Ernar Aıdardyń ınternet jelisine taratýy án avtorynyń shamyna tıgen. Jýrnalısterge án avtory jaqyn arada Ernar Aıdardy avtorlyq quqyqty buzǵany úshin sotqa beretinin aıtty. Ernar Aıdar bir án úshin basy úlken daýǵa qalýy múmkin. Eger sot aldynda avtor óz quqyǵyn dáleldeı alsa, Ernar Aıdar ákimshilik jaýapkershilikke tartylyp aıyppul tóleýi múmkin.
