Jas akter Zańǵar Ábenov «Ostankıno» Halyqaralyq kıno festıvalinde úzdik shyqty
ASTANA. QazAqparat - Astanadaǵy Q.Qýanyshbaev atyndaǵy Memlekettik qazaq mýzykalyq-drama teatrynyń akteri Zańǵar Ábenov Máskeýde ótken "Ostankıno" Halyqaralyq kıno jáne televıdenıe festıvalinde "Úzdik er beınesi" nomınatsııasynda jeńiske jetti, dep habarlaıdy QazAqparat.
Z.Ábenov teatrdyń eń jas akteri bolyp tabylady. Halyqaralyq nomınatsııa oǵan rejısser Sherxan Qýanalıdiń "Fotograf" atty qysqametrajdy fılmindegi róli úshin berildi.
«Ónerdegi alǵashqy qadamyńnyń xalyqaralyq deńgeıde baǵalanǵany sen úshin ǵana emes, barsha ujym úshin úlken jetistik dep bilgeısiń! Ónerde baǵyndyrar belesteriń bıik bolsyn! Qýanyshyńa ortaqpyz!», - dep jazylǵan elordalyq teatrdyń Instagramdaǵy resmı akkaýntynda.
