Jarysqa bara jatyp apatqa túsken balalar: Jas sportshylarǵa 12 avtobýs áperetin boldy
Byltyr 17 jeltoqsan kúni bir top voleıbolshy mingen taksı jol apatyna ushyrap, bir oqýshy oqıǵa ornynda kóz jumǵan edi.
Tergeý kezinde oqýshylardyń Temir aýdannan Aqtóbe qalasynda bolatyn jarysqa kele jatqany belgili boldy.
Sol kúni jol-kólik apaty kezinde jaralanǵan oqýshylarǵa ota jasalyp, Astanadan arnaıy mamandar men mınıstrlik ókilderi keldi.
Aman qalyp, aýrýhanaǵa jetkizilgen balalardyń bári birneshe otadan keıin úıine jiberildi.
Aqtóbe oblystyq densaýlyq saqtaý basqarmasynyń basshysy Rústem Isaevtyń aıtýynsha, jattyqtyrýshy ǵana em alyp jatyr.
Ol jedel medıtsınalyq járdem aýrýhanasynyń jansaqtaý bóliminen palataǵa aýystyrylǵan.
Al oblystyq dene shynyqtyrý jáne sport basqarmasynyń basshysy Evgenıı Goncharovtyń aıtýynsha, endi barlyq aýdannyń balalar jáne jasóspirimder sport mektepterine avtobýs satyp alynady.
«Barlyǵy 12 avtobýs satyp alynady. Bul ár aýdanǵa beriledi. Memlekettik satyp alý konkýrsy aldaǵy aptada jarııalanady. Shamamen kóktemde jetkiziledi. Biz buǵan deıin de problemany kóterip, qarjy suraǵan edik. Aqsha aýdarmaı keldi», - dedi Evgenıı Goncharov.
