Jarys jolynda Olımpıada chempıony, ziltemirshi Zúlfııa Chınshanlo!
ASTANA. QazAqparat - Búgin Almatyda ótip jatqan aýyr atletıkadan álem birinshiliginde Olımpıada chempıony Zúlfııa Chınshanlo saıysqa shyǵady. 53 kelige deıingi salmaq sanatynda óner kórsetetin qyzdardyń saıysy saǵat 16-da bastalady. Al 69 kelige deıingi salmaqtaǵy erler sapynda jastar arasyndaǵy álem chempıony Albert Lınder el namysyn qorǵaıtyn bolady.
Buǵan deıin keshe jarys jolyna shyqqan Arlı Chonteı altynshy orynmen ǵana qanaǵattansa, qyzdar arasynan Margarıta Elıseeva alǵashqy aınalymnan asa almady. Eske sala keteıik, baıraqty básekede 72 elden 538 sportshy baqtaryn synaýda.. Onyń 315-i erler bolsa, 223-si áıelder. Áıelder jeti salmaq dárejesi boıynsha (48, 53, 58, 63, 69, 75, +75 keli) synǵa tússe, erler segiz salmaqta (56, 62, 69, 77, 85, 94, 105, +105) jeńimpazdar men júldegerlerdi anyqtaıtyn bolady. Qazaqstan quramasy bul dodaǵa tolyq quramda qatysyp otyr.
