Jarys kórermenderine ózderimen birge sýsyn jáne lazerlik qurylǵylar ákelýge tyıym salynady - Azıada oıyndarynyń erejeleri
ASTANA. 14 qańtar. QazAqparat /Gúlnár Jandaǵulova/ - Azıada oıyndarynyń jarystaryna keletin kórermenderge ózderimen birge sýsyn jáne lazerlik qurylǵylar ákelýge jol berilmeıdi.
Azıada oıyndary ótetin sporttyq keshenderge kelýshilerdiń tártipteri naqtylanǵan ýaqytsha erejelerde osylaı delingen, dep habarlaıdy QazAqparat tilshisi.
«Qazaqstan Respýblıkasynyń zańnamasyn saqtaý maqsatynda, ishke shólmekter, qumyralar nemese bankalar, onyń ishinde konservi bankalaryn, polıefırden, shynydan nemese qatty tym materıaldardan jasalǵan basqa da zattardy, sondaı-aq TETRAPAK qoraptaryn jáne lazerlik qurylǵylardy alyp ótýge jol berilmeıdi», - delingen Azıadanyń uıymdastyrý komıtetiniń baspasóz ortalyǵy taratqan habarlamada.
Atalmysh ýaqytsha normalar Azııalyq oıyndardyń jarystary ótetin barlyq sporttyq nysandarda qoldanylatyn erejelerdi naqtylap otyr.
Esesine, kórermenderge sirińke, qalta ottyǵyn jáne temeki alyp júrýge ruqsat etilgen. Basqa tutanatyn, janatyn zattardyń bárine tyıym salynyp otyr. «Oǵan qosa, kórermenderge ózderimen birge alkogol, esirtki jáne ýytty zattar alyp kelýge tyıym salynady. «Jáne ekstremıstik mazmundaǵy nasıhat materıaldaryn» paıdalanýǵa da jol berilmeıdi», - dep atap kórsetilgen habarlamada.
