Jarys kóliginiń júrgizýshisi sumdyq apattan aman qaldy
ASTANA.QazAqparat - Chip Ganassi Racing komandasynyń múshesi, jańazelandııalyq sportshy Skott Dıkson «500 mıl Indıanapolıs» jarysynda aýyr apatqa ushyrady.
Oqıǵa básekeniń 50-inshi aınalymynda Dıksonnyń burylystan shyǵýy kezinde kóligin basqara almaǵan ekinshi jarysýshyǵa soǵylýy saldarynan boldy. Saldarynan jańazelandııalyqtyń mashınasy kókke ushyp, trassanyń qorshaýyna soǵylyp, birneshe ret aýdaryldy.
Apatqa ushyraǵan avtoshabandozdar kabınanyń beriktiginen aman qaldy. Jarys mashınasynyń tutastaı qıraǵandyǵyna qaramastan, jańazelandııalyq azamat ózdiginen shyǵa aldy.
«500 mıl Indıanapolıs» jarysynda «Hondamen» jarysqa túsken japondyq Takýma Sato jeńiske jetti.
