Jarys kezinde táttiden dám tatqan «Týr de Frans» kóshbasshysyna aıyppul salyndy
ASTANA. 19 shilde. QazAqparat - «Týr de Frans» kópkúndik jarysynyń 18-shi kezeńi aıaqtalysymen Sky quramasynyń ókili brıtandyq Krıs Frýmǵa 20 sekýndqa aıyppul salyndy.
Tóreshilerdiń bul sheshimine tamaqtaný erejeleriniń buzylýy sebep bolǵan. Máre syzyǵyna 5 shaqyrym qalǵan kezde osy kezeńde 7-shi nátıje kórsetken jáne jalpy esepte kóshbasshylyqty saqtaǵan Frým energetıkalyq batonchıkten dám tatqan.
Talap boıynsha máre syzyǵyna 20 shaqyrym qalǵanda tamaq jeýge tyıym salynady.
