Jarylystar týraly eskertýden keıin Nıý-Iork kóshelerinde polıtseılerdiń qatary kóbeıedi
ASTANA. QazAqparat - «Islam memleketi» sodyrlarynyń AQSh pen Frantsııa qalalaryndaǵy metrolarda jarylystar jasaýǵa daıyndalyp jatqany týraly Irak bıliginiń eskertýinen keıin Nıý-Iork qalasynyń gýbernatory Endrıý Kýomo qalada polıtseıler sany artatynyn habarlady, dep jazady VVS.
Onyń aıtýynsha, Nıý-Iork turǵyndary endi kósheden polıtseılerdi jıi kórýi múmkin, biraq olar qala turǵyndaryna kedergi keltirmeıdi. Buǵan deıin AQSh bıliginiń arnaıy ókili Irak tarapynan túsken eskertýge qatysty málimdeme jasap, ondaı aqparatty rastaıtyn naqty derek joqtyǵyn jetkizgen. Biraq, Irak premer-mınıstri Haıder ál-Abadı sodyrlardyń qupııa jospary týraly aqparatty barlaý qyzmetinen alǵanyn málimdegen bolatyn.
