Jarylystan zardap shekkenderge kómektesýge nıetti azamattar kóp - BǴM

NUR-SULTAN. QazAqparat - Túrkistan men Shymkent qalalarynda Arys turǵyndaryna materıaldyq kómek jınaýǵa arnalǵan eki pýnkt ashyldy, dep habarlaıdy QazAqparat tilshisi.

QR Bilim jáne ǵylym mınıstrliginen habarlanǵandaı, atalmysh pýnkter Túrkistandaǵy A.ıAssaýı atyndaǵy Qazaq-túrik Halyqaralyq ýnıversıteti (barlyq suraqtar boıynsha ýnıversıtettiń ókili Altynbek Kenjalıevke habarlasýǵa bolady - 87017702427) men Shymkenttegi M.Áýezov atyndaǵy Ońtústik Qazaqstan oblystyq memlekettik ýnıversıtetinde (úılestirýshi Qaırat Eńbekshiuly, 87773963052) ashylyp otyr.

Bilim jáne ǵylym mınıstrligi jarylystan zardap shekkenderge kómektesýge nıetti azamattardyń kóp ekenin habarlaıdy. Materıaldyq kómekti uıymdasqan túrde jınaý úshin atalǵan eki pýnktti ashý týraly sheshim qabyldanǵan. Alǵashqy qajettiliktegi taýarlar (dári-dármek, gıgıenaǵa qajetti zattar, kıim-keshek pen basqa da zattar) kóptep túsip jatyr. Túsken taýarlar birden eriktiler arqyly halyqqa taratylýda. Sonymen qatar, aqsha aýdarymdary úshin arnaıy shottar ashylǵan.

Eske sala ketsek, Arystaǵy jarylystan zardap shekkenderge kómek qolyn sozý maqsatynda elimizde keshe «Arys, biz birgemiz» aktsııasy bastaldy. Aktsııa aıasynda Túrkistan oblysy Arys qalasyndaǵy oqıǵadan zardap shekkenderge járdem berý úshin Oblys ákimshiliginiń janynan ashylǵan «Túrkistan» korporatıvtik áleýmettik damý qoryna habarlasýyńyzǵa bolady.

«Túrkistan» korporatıvtik áleýmettik damý qory rekvızıtteri

Túrkistan oblysy

Túrkistan qalasy, Kyzylorda tas joly , 34 A ǵımaraty,

Poshta ındeksi 161200

BSN (BIN) 100440016000

«ForteBank» AQ Túrkistan qalasyndaǵy fılıaly

JSK (IIK) KZ7196528F0007014540

BSK (BIK) IRTYKZKA