Jarylǵysh zattyń jarylýy: Almaty polıtsııasy tekserýdi bastady
ALMATY. QazAqparat - Almaty polıtsııasy er adamnyń qolynda belgisiz zattyń jarylý oqıǵasyna qatysty túsinik berdi, dep habarlaıdy QazAqparat tilshisi.
Departamenttiń baspasóz qyzmetinen habarlaǵandaı, 34 jastaǵy er adam Jetisý aýdanynyń turǵyny. Polıtsııa onyń qolynda jarylǵan zattyń ne ekenin jáne qaıdan shyqqanyn anyqtaıtyn bolady.
«Atalǵan derekke baılanysty Jetisý aýdanynyń Polıtsııa basqarmasy tekserýdi bastady», - delingen aqparatta.
Buǵan deıin habarlaǵanymyzdaı, qazir patsıenttiń jaǵdaıy aýyr. Qarqyndy terapııa bóliminde em qabyldap jatyr. Shokqa qarsy terapııa jasalýda.
«Túsken kezde oǵan qosarlanǵan jaraqat, bassúıek-mı jaraqaty, mıynyń shaıqalýy, jarylys kúshinen súıek tinderi zaqymdala otyryp, oń jaq qolynyń jaraqaty, bas, moıyn, keýde qýysynyń, eki qolynyń 2-3-inshi dárejeli kúıigi dıagnozy qoıyldy. Ekinshi dárejeli shokpen tústi. Denesiniń 10 paıyzyn kúıik shalǵan», - dedi №4 qalalyq aýrýhananyń qosarlanǵan jaraqat bóliminiń meńgerýshisi Dáýren Túsipov.
