Jarylǵysh zatty iske qosam dep qorqytqan jolaýshy saldarynan ushaq Berlınde qonýǵa májbúr boldy
ASTANA. QazAqparat - Seısenbige qaraǵan túnde Krakovadan (Polsha) Shannonǵa (Irlandııa) ushyp shyqqan Boeing-737 Berlınniń Shenefeld áýejaıyna qonýǵa májbúr boldy, dep habarlady TASS.
Oǵan mas jolaýshy sebepker bolǵan. Kýágerlerdiń aıtýynsha, ol jarylǵysh zatty bortqa alyp kirdim degen. Buny estigen soń ushqysh ushaqty qondyrý týraly sheshim qabyldaǵan.
Ushaq qonǵan soń laınerden 195 jolaýshy qaýipsiz jerge shyǵaryldy. Tártip saqshylary tynyshtyqty buzǵan adamdy ustady. Odan eshqandaı jarylǵysh zat tabylmady. 4 saǵattan soń ushaq Shannonǵa attandy.
